Cranberry Yoghurt Toast 優格紅莓吐司。附食譜 - Compass Visa Design Factory 麵包機

酸乳酪紅莓吐司之食譜來自何師奶

話說之前用緊 Rasonic 既 RBM-H12 麵包機，不過多數都係用嚟打麵團同造第一次發酵。用咗一段時間無意中有一次喺麵團底部有啲黑色液體，仲發現刀葉底部同內胆既刀葉圈位既塗層有啲磨蝕，上網去返呢個型號既討論區度 Check 吓，原來好多 RBM-H12 既機友都有呢個問題！由於部麵包機係屋企人轉贈既，已經無保養，所以就去請教一啲有相關機械知識既朋友仔有無得救，朋支回覆話大致上係唔影響到正常使用，只係望到個麵團好似黑黑地色咁，又點敢擺入口食呢？！

出開去電器鋪都有望吓 Panasonic SD-BMS105T，因為無論去到圖書館、書局、就連預拌粉都係為佢而生，加上功能強大，實在有啲吸引！正當考慮緊換部新既麵包機時啱啱遇著剛剛又有一位朋友有部全新既麵包機轉贈於我，以我呢種慳得一蚊得一蚊既慳妹性格，就梗係物盡其用啦！朋友拎比我既時候同我講佢都唔知係邊個品牌既麵包機，叫我唔好抱咁大寄望，因為拎咗返屋企好幾個月都係未用過既。但係我一心只係認為只要肯嘗試，一定會搵到方法同部機器相處。拎咗部機返屋企拆開嚟睇既時候其實都有幾個問號喺頭頂，見到有個唔知係咪品牌既字就去咗偉大既 Google Search 一下，係 search bar 打上 Design Factory 麵包機，就見到何師奶改好食譜既 Post，內心非常高興，就揀咗酸乳酪紅莓吐司嚟試吓！

第一機按照何師奶既食譜換上燙種，味道同口感都非常一流，咁好既食譜更係要同大家開心 Share 吓啦！

酸乳酪紅莓吐司
Cranberry Yoghurt Toast
材料：
鮮奶 酸乳酪 鹽 糖 高筋麵粉 酵母 牛油 小紅莓	110 100 2 40 250 3 16 40	g g g g g g g g
做法：
Mode 1 → Light Color
備註：
每次使用麵包機都要按次序由濕性材料，到乾性材料；麵粉堆成一個小山丘中間留凹位放酵母，個人習慣開機後 5 分鐘按暫停功能，用刀輕輕將牛油塗於麵團上，再繼續行程。乾果及饀料一般在剩餘時間 2:20 提示聲名大響起時投放。 由於 Design Factory 麵包機烤焗時間較長，需要一個小時；為達到更鬆軟效果，須提早 20 分鐘手動按掣熄機將麵包取出。
Reference:  何師奶 http://kellyandruby-mami.blogspot.hk/2013/05/compass-visa.html

有關於詳細之操作技巧可重溫往日文章 麵包機使用心得