火麻仁。附食譜。涼茶自家製便秘無有怕

喺涼茶鋪入面大部份既涼茶都係黑色既，實在係好悶，火麻仁就最 charm 奶啡色，色、香、味俱全；

據中醫學說，火麻仁又稱大麻籽。味甘性平，有潤燥、通便、滑腸的作用。對於血虛、津液不足所引起的便秘最好，即兼有出汗過多或皮膚乾燥人士適用。

但係隨住物價上漲，出面飲到既已經越嚟越淡，甚至乎只係糖水！火麻仁既主要材料係大麻籽，出飲過幾間好好味既火麻仁係好香芝麻同奶味既。雖然無份量，但膽粗粗都走去試吓，我既宗旨係想要得到就必先付出。去藥材鋪吹吓水，諗住收吓風，睇吓有無人知火麻仁係點整，竟然冇人知，上網睇又無乜食譜，只係知道係要炒香後加水攪拌隔渣。不過都阻我唔到，就憑我個人經驗加感覺往前走！沒有失敗那有成功，雖然第一次整都 ok，不過個人覺得略欠奶味將食譜再改良，第二次做出嚟就非常滿意啦！所以南杏既份量可隨個人口味作少量調教喔。

火麻仁
材料：
麻仁籽 白芝麻 南杏 熟水	8 8 3 3200	兩 兩 兩 ml	冰糖 熟水	100 300	g ml
做法：
所有材料不必清洗，需要乾炒 先將麻仁籽，南杏落鑊用中火炒 5 分鍾，再加入芝麻炒至金黃色 炒完後放涼，加入熟水用攪拌機打漿，用篩把材料隔去較的顆粒 冰糖加水溶成糖漿，再倒入火麻仁拌勻即成