麵包機使用心得

我相信只要有同麵包機建立一個長遠關系既人都有自己既一套去同佢相處！雖然一部電器都係按既定程序行，但係始終每部機既用料質量同性能都略差一二，我就習慣上網做 Research 然後再自己實戰去試。
每次使用麵包機都是按次序由濕性材料，到乾性材料；

1. 記得要插上攪拌頭喔；
2. 水、鮮奶、豆乳、酸乳酪；
3. 牛油、橄欖油；
4. 鹽、糖、奶粉、可可粉、咖啡粉、抺茶粉、香草、芝麻（粉抺狀物）；
5. 麵粉（堆成一個小山丘，喺山頂留個凹位）；
6. 酵母（置於山頂個凹位內）；
7. 選好適當的程序按啟動麵包機；
8. 提子乾、紅莓乾、藍莓乾、合桃、原粒芝麻（乾果及較硬果實）；

本小姐喺勤力既時候有個小習慣，就係先讓麵團打起再加入油脂，好等水份能充份地被麵粉所吸收。大概於開機後 5-10 分鐘按暫停功能，用膠刀輕輕將牛油塗於麵團上或加入橄欖油，再繼續行程。但我懶起上嚟又或者只係用麵包機做第麵團發酵模式既時候都係照上面程序完成而已！
乾果及饀料一般在麵包機提示聲響起時投放。

由於 Design Factory 麵包機烤焗時間較長，需要一個小時；為達到更鬆軟效果，須提早 20 分鐘手動按掣熄機將麵包取出。