Green Tea Banana Muffin 抺茶香蕉鬆餅。附食譜

其實呢…… 小妹有個秘密，就係好怕用香蕉做麵包，蛋糕，鬆餅…… 等等既甜點！好耐以前，屋企人買咗個香蕉蛋糕返屋企，果一次，真係好難忘！聞落去係好香既香蕉味，蛋糕都好軟熟，點知食咗一啖之後，真心覺得係全宇宙最甜既蛋糕，自此之後就好抗拒香蕉味既甜點。但係喺朋友仔再三要求之下，我都嘗試咗整呢個 muffin，但係我都堅持要加抺茶去一去啲甜味同埋減少糖既份量！可能係自己控制甜度，出嚟既成品唔會太甜，淡淡既茶香再加香蕉既味道又剛剛好，不會太膩。

抺茶香蕉鬆餅
Green Tea Banana Muffin
材料：5cm x5
高筋麵粉 低筋麵粉 泡打粉 抺茶粉	66 54 8 15	g g g g	糖 雞蛋 牛奶 牛油 香蕉	40 50 25 30 110	g g g g g
做法：
蛋、牛油和牛奶回復室溫，低筋麵粉和泡打粉過篩備用。香蕉切片備用。 將牛油和砂糖打至完全混合呈淡白色，蛋分 2 次加入打勻。 牛奶和麵粉交替加入步驟 2 內拌勻至充份混合，然後加入香蕉和核桃拌勻，最後灑上玉桂粉拌勻。 把麵糊倒入模內至 7 分滿，放入已預熱 200℃ 的焗爐焗約 18 分鐘即成。